කාසියේ වාසිය බංග්ලාදේශයට
ශ්රී ලංකාව සහ බංග්ලාදේශය අතර පැවැත්වෙන තුන්වන සහ අවසන් T20 තරඟය අද (09) පැවැත්වෙනවා.
එහි කාසියේ වාසිය දිනාගැනීමට බංග්ලාදේශ කණ්ඩායම සමත් වුණා.
එහිදී පළමුවෙන් පන්දුවට පහරදීමේ අවස්ථාව ශ්රී ලංකා කණ්ඩායමට ලබා දීමට බංග්ලාදේශ කණ්ඩායම තීරණය කළා.
තරග 3කින් සමන්විත T20 තරඟාවලියේ එක් තරඟය බැගින් දෙපිලම ජයගෙන මේ වනවිට සම තත්ත්වයේ පසුවනවා.
මේ අතර ආබාධයකට ලක්වීම හේතුවෙන් වේගපන්දු යවන ක්රීඩක මතීෂ පතිරණ අද (09) පැවැත්වෙන අවසන් 20යි 20 තරගයට සහභාගී නොවන බවයි වාර්තාවන්නේ.
දෙවන විස්සයි විස්ස තරගයේ සිය සිව්වන පන්දු වාරය ක්රියාත්මක කරමින් සිටියදී ඔහු පාදයේ ආබාධයකට ලක්වුණා.
ඒ අනුව ආබාධ තත්ත්වය සුව අතට පත් නොවීම හේතුවෙන් අද පැවැත්වෙන තෙවන තරඟය සඳහා මතීෂ සහභාගී නොකිරීමට තීරණය කර ඇති බව වාර්තාවනවා.
ශ්රී ලංකා බංග්ලාදේශ තීරණාත්මක තෙවන 20යි 20 තරඟය අද පස්වරු 03ට ආරම්භ වීමට නියමිතයි.