ක්‍රීඩා
ශ්‍රී ලංකා කාන්තා පිලට කඩුලු 4ක ජයක්
බටහිර ඉන්දීය කොදෙව් කාන්තා පිල සහ ශ්‍රී ලංකා කාන්තා පිල අතර අද (24) පැවැති පළමු T20 තරඟයෙන් කඩුලු 4ක ජයක් වාර්තා කිරීමට ශ්‍රී ලංකාව සමත් වී තිබෙනවා.
හම්බන්තොට පැවැති එම තරඟයේදී පළමුවෙන් පන්දුවට පහරදුන් කොදෙව් ක්‍රීඩිකාවන් නියමිත පන්දුවාර 20 අවසානයේ කඩුලු 08ක් දැවී ලකුණු 134ක් ලබා තිබුණා.
ඒ අනුව ශ්‍රී ලංකා ක්‍රීඩිකාවන්ට හිමිවූ ඉලක්කය ලකුණු 135ක්.
එම ඉලක්කය හඹා ගිය ශ්‍රී ලංකා ක්‍රීඩිකාවන් පන්දුවාර 18යි පන්දු 04ක් අවසානයේ කඩුලු 06ක් පමණක් දැවී ලකුණු 137ක් වාර්තා කරමින් ජය හිමිකර ගත්තා.