දේශීය
වත්තල – දික්ඕවිට වෙරළෙත් මළසිරුරක්
හිසට හා පාදවලට සුදු ඉටි බෑග් දෙකක් බහා එහි දෙපස ගැටගසා තිබූ මළ සිරුරක් වත්තල දික් ඕවිට වෙරළේ පාවෙමින් තිබියදී වත්තල පොලිසිය සෙයාගෙන තිබෙනවා.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පවසන්නේ එම සිරුර මාළු ඇල්ලීම සඳහා මුහුදු යන ධීවරයන් අයිස් ගබඩා කර තැබීමට භාවිතා කරන බෑග් දමා ගැටගසා ඇති බවයි.
ඒ අනුව මෙම ඝාතනය ධීවර කටයුතු සඳහා මුහුදු පිරිසක් අතර ඇතිවූ සිද්ධියක් මුල් කරගෙන සිදු වූ ඝාතනයක් යැයි සැක කළ හැකි බව පොලිස් මාධ්‍ය ප්‍රකාශකවරයා සදහන් කරනවා.
පොලීසිය අනුමාන කරන්නේ මියගිය පුද්ගලයා වයස අවුරුදු 30 සහ 40 අතර පසුවන්නෙක් බවයි.