විදෙස්
ඉම්රාන් ඛාන් සොයා පොලීසිය නිවස වටලයි
පාකිස්තාන හිටපු අග්රාමාත්ය ඉම්රාන් ඛාන් අත්අඩංගුවට ගැනීම සඳහා ඔහුගේ ලාහෝර් නගරයේ පිහිටි නිවසට පොලීසිය ඇතුළු වී තිබෙනවා.
ත්යාග නීතිවිරෝධී ලෙස මිලදී ගැනීම සහ විකිණීමේ නඩුවක් සම්බන්ධයෙන් පසුගිය පෙබරවාරි 28 වන දින එරට ෆෙඩරල් අධිකරණය හිටපු අග්රාමාත්යවරයා අත්අඩංගුවට ගැනීමේ වරෙන්තුවක් නිකුත් කරනු ලැබුවා.
ඒ අනුව පාකිස්තාන හිටපු අග්රාමාත්ය ඉම්රාන් ඛාන් අත්අඩංගුවට ගැනීම සඳහා ඉස්ලාමාබාද් පොලිස් නිලධාරීන් ඔහුගේ ලාහෝර් නගරයේ පිහිටි නිවස වෙත ඇතුළු වී තිබෙනවා.
හිටපු අග්රමාත්යවරයාගේ දේශපාලන පාක්ෂිකයන් එම ස්ථානයේ එක් රැස්වී පොලිස් නිලධාරීන් හට නිවසට ඇතුළුවීමට ඉඩ ලබානොදීම හේතුවෙන් එම ස්ථානයේ උණුසුම් තත්ත්වයක් හටගෙන ඇති බව සඳහන්.
කෙසේවෙතත් අග්රාමාත්යවරයා නිවසේ සිටිද යන්න සම්බන්යෙන් මෙතෙක් තොරතුරු වාර්තා වී නොමැති බව විදෙස් වාර්තා සඳහන් කරනවා.