ක්‍රීඩා
ශ්‍රී ලංකා කණ්ඩායමේ පන්දු රැකීම හදන්න දකුණු අප්‍රිකානුවෙක්
ශ්‍රී ලංකා ජාතික කණ්ඩායමේ නව පන්දු රැකීමේ පුහුණුකරු ලෙස Anton Roux පත් කිරීමට ශ්‍රී ලංකා ක්‍රිකට් ආයතනය කටයුතු කර තිබෙනවා.
මෙම පත් කිරීම සිදුකර ඇත්තේ ප්‍රවීනයගෙන් සැදුම්ලත් ක්‍රිකට් තාක්ෂණික කමිටුවේ තේරීමට අනුවයි.
40 හැවිරිදි Roux දකුණු අප්‍රිකානු ජාතිකයෙක්.
ඔහු ජාතික කණ්ඩායම නියෝජනය කර ඇති ක්‍රීඩකයෙකු නොවන අතර 2008 – 2009 දකුණු අප්‍රිකානු පළමු පෙළ තරගවාරයේ තුන් ඉරියව් ක්‍රීඩකයෙකු ලෙස නොදර්න්ස් කණ්ඩායම නියෝජනය කර තිබෙනවා.
කෙසේ වෙතත් ශ්‍රී ලංකා පන්දු රැකීමේ පුහුණුකරු තනතුර භාර ගැනීමට පෙර Anton Roux සේවය කරමින් සිට ඇත්තේ එංගලන්තයේ ප්‍රබල ප්‍රාන්ත කණ්ඩායමක් නොටින්හැම්ෂයර්හි පුහුණුකරුවෙකු ලෙසයි.
එමෙන්ම ඔහු මීට පෙර පෙර නෙදර්ලන්ත කණ්ඩායමේ ප්‍රධාන පුහුණුකරු ලෙස සහ නවසීලන්ත A කණ්ඩායමේ සහාය පුහුණුකරුවෙකු ලෙස ද කටයුතු කර තිබෙනවා.