නුවරඑළියට යන රියැදුරන්ට විශේෂ දැනුම්දීමක්
නුවරඑළිය ප්‍රදේශයට මේ දිනවල පතිත වන පොද වැස්ස හේතුවෙන් රියදුරන්ට ප්‍රවේශම්කාරීව කටයුතු කරන ලෙස නුවරඑළිය බූලස්ථාන ප්‍රධාන පොලිස් පරීක්ෂක ප්‍රේමලාල් හෙට්ටිආරච්චි මහතා ඉල්ලා සිටිනවා.
ඔහු පවසන්නේ, පවතින වර්ෂාව හේතුවෙන් අධික ලෙස ඝණ මීදුම් තත්ත්වයක් පවතින බැවින් ඉදිරියෙන් එන වාහන නොපෙනීමේ තත්වයක් හා පෝනින් මාර්ගයට පැනීමෙන් වාහන අනතුරු බහුලව සිදුවීමෙන් ඒවා වළක්වා ගන්නා ලෙසට දැනුම්දෙන බවයි.
නුවරඑළිය නගර සීමාව , හාවාඑළිය බොරලන්ද උඩපුස්සැල්ලාව ප්‍රධාන මාර්ගය , නානුඔය තලවා කැලේ හැටන් ප්‍රධාන මාර්ගය , නානුඔය රැදැල්ල කෙටි මාර්ගය , නුවරඑළි මේ පිළිමාන පට්ටිපොළ ලෝකාන්තය පිවිසුම් මාර්ගයන්හි මෙම ඝන මීදුම් තත්ත්වය හා ඕනින් මාර්ගයට පැනීමේ අවදානම් තත්ත්වය පවතින බැවින් මෙම මාර්ගයන්හි වාහන යෙදවීමේදී ඉතාමත්ම අඩු වේගයකින් හා සැලකිලිමත්ව වාහන ධාවනය කිරීමට කටයුතු කරන ලෙසද නුවරඑළිය පොලිසිය රියතුරන්ට දන්වා සිටිනවා.
තවද ඉදිරියෙන් පැමිණෙන වාහන නොපෙනීමේ තත්වයක් පවතින බැවින් සෑම වාහනයකම ආලෝක සංඥා විදුලි පහන දල්වාගෙන යෑමට කටයුතු කරන ලෙසත් රියදුරන්ගෙන් නුවරඑළිය රථවාහන පොලිසිය වැඩිදුරටත් ඉල්ලා සිටියා.