දේශීය
දිනේෂ් ෂාෆ්ටර් ඝාතනයේ ඇඟිලි සළකුණු වාර්තා හෙට
ඝාතනයට ලක් වූ ව්‍යාපාරික දිනේෂ් ෂාෆ්ටර් අත් පා ගැටගසා බරපතළ තත්වයෙන් සිටිය දී සොයාගත් ස්ථානයෙන් සහ ඔහුගේ සිරුරෙන් හමු වූ ඇඟිලි සළකුණු පිළිබඳ වාර්තාව හෙට (20) අපරාධ පරීක්ෂණ දෙපාර්තමේන්තුව වෙත භාරදීමට නියමිතයි.
මෝටර් රථයෙන් සහ ඔහුගේ සිරුරෙන් ලබාගත් ඇඟිලි සළකුණු මේ වන විට විශ්ලේෂණය කරමින් පවතින අතර ඒවා අපරාධ වාර්තා කොට්ඨාසයේ ඇති අපරාධකරුවන්ගේ ඇඟිලි සළකුණු සමඟ ගැළපීම සිදු කරනු ඇති.
මේ අතර දිනේෂ් ෂාෆ්ටර්ගේ පවුලේ ඥාතීන්ගෙන් ප්‍රකාශ සටහන් කරගැනීම ද ඉදිරියේදී සිදු කරන බව අපරාධ පරීක්ෂණ දෙපාර්තමේන්තුව සදහන් කළා.
ඒ අනුව ඔහුගේ බිරිඳ ගෙන් ද ප්‍රකාශ ලබා ගැනීමට නියමිතයි .ඝාතනයට ලක්වූ දිනේෂ් ෂාෆ්ටර් මහතාගේ දේහය පිළිබඳ අවසන් කටයුතු ඊයේ බොරැල්ල සුසාන භූමියේදී සිදු කෙරුණා.