දේශීය
පළාත් පාලන ආයතනවල ගෙවීම් කටයුතු මාර්ගගත ක්රමයට
ලබන වසරේ සිට සියලු පළාත් පාලන ආයතනවල ගෙවීම් කටයුතු මාර්ගගත ක්රමය ඔස්සේ සිදුකිරීමට සැලසුම් කර ඇති බව පළාත් සභා හා පළාත් පාලන අමාත්යාංශය පවසනවා.
මේ වනවිටත් බොහෝ පළාත් පාලන ආයතනවල අදාළ වැඩපිළිවෙල ආරම්භ කර ඇති බව වාර්තා වනවා.
මෙම වැඩපිළිවෙලේ අරමුණ වී තිබෙන්නේ, පළාත් පාලන ආයතනවල බදු එකතු කිරීමේ කටයුතු ඇතුළු ගෙවීම් ජනතාවට අපහසුවක් නොවන ආකාරයෙන් සිදුකිරීමයි.
ඒ අනුව, පළාත් සභා හා පළාත් පාලන රාජ්ය අමාත්ය ජානක වක්කුඹුර මහතා සඳහන් කළේ, දිවයින පුරා ක්රියාත්මක පළාත් පාලන ආයතන 341 තුළම අදාළ වැඩපිළිවෙල ලබන වසරේ ජනවාරි මස පළමු වැනි දින සිට ක්රියාත්මක කරන බවයි.
මේ අතර, පළාත් පාලන ආයතනවලට අයත් සියලු මාර්ග සිතියම් ගතකිරීමේ කටයුතුද මේ වසර අවසන් වනවිට සිදුකිරීමට බලාපොරොත්තු වන බව, ජානක වක්කුඹුර මහතා ප්රකාශ කළා.