අද රනිල්ගේ ඔඩොක්කුවේ පල් හොරෙක් ඉන්නවා – කිංස් නෙල්සන්
වගා හානියට ලක්වුණ ගොවි ජනතාවට වන්දි ලබාදෙන බවට මහින්දානන්ද අලුත්ගමගේ මහතා පැවසුවද නමුත් තවමත් කිසිදු වන්දියක් ලබාදී නොමැති බව සමගි ජන බලවේගයේ පොළොන්නරුව දිස්ත්‍රික් නායක කිංස් නෙල්සන් මහතා පවසනවා.
ඒ මහතා පවසන්නේ, අහිංසක ගොවි ජනතාව දුප්පත් කළ පුද්ගලයා සිටින්නේ ජනාධිපති රනිල් වික්‍රමසිංහ මහතා ළඟ බවයි.
ඔහු මේ බව කියා සිටියේ, ඊයේ (25) හිඟුරක්ගොඩ පැවති ජන රැලියක් අමතමින්.
එහිදී වැඩිදුරටත් අදහස් දැක්වූ කිංස් නෙල්සන් මහතා ;
“අපිට මතකයි මහින්දානන්ද අලුත් ගමගේ එදා ගෝඨාභය රාජපක්ෂ මේ රටේ පොහොර ටික නවත්තන්න හදනකොට එදා පාර්ලිමේතුවේ කිව්වා, වගා හානිවෙච්ච සෑම කෙනෙකුටම වන්දි ලබාදෙනවා කිව්වා. ඒත් දුන්නේ නෑ. පඹයෝ පුච්චලා හන්දියක් හන්දියක් ගානේ අද අහිංසක ගොවි ජනතාවගේ බඩට ගහපු පල් හොරා අද ඉන්නේ රනිල් වික්‍රමසිංහගේ ඔඩොක්කුවට වැටිලා, රනිල්ට ජය වේවාලු. මේ වැටිච්ච ආර්ථිකය වැටිච්ච රට ගොඩගන්න පුලුවන් එකම නායකයා සජිත් විතරයි.